بسم الله اللهم صلي وسلم على نبينا محمد اولا نحضر العجين في انا نضع الماء وعلبة الياوورت الطبيعي الخميرة والسكر ونتركها يتفاعلو من بعد ما تتفاعل نضيف الفلفل الاسود والزعيترة والملح ونخلط نضيف الفرينة ونلم العجين باليد فقط نترك العجين يختمر

من جهة نكون حضرت الصلصة نغسل ونقطع الطماطم الوصفة موجودة في حسابي حبيت نذكركم بها بعد ما نقطع الطماطم نضيفلها البصل والثوم والقطعة تع البيطراف وكاس ماء ونتركها تستوي طماطم تاعي يابسة اضفتلها الماء لما استوت ميكسيت الكل ب برا ميكسور واضفت باقي المكونات توابل والزيت والطماطم والرند والزعيترة تركت الكل يستوي مع بعض

لما جهزت العجين والصلصة لي اسكبت فيها علبتين تونة و بشرت الجبن وغسلت الزيتون

بسطت العجينة في بلاطو يكون دائري في الوسط بواسطة قاطعة البيتزا قطعت إشارة زائد غير من وسط بلا ما نكمل للأطراف وزدت إشارة ضرب مثل ماهو موضح في الصورة عملت الصلصة على الحواف والجبن

وهنا المثلثات لي قطعتهم نطويهم فوق وين درت الصلصة والجبن نتحصل على شكل زهرة الشمس نزين بالزيتون والفلفل وتدخلها للفرن

وهنا استوت بيتزا تاعي جات بزاف خفيفة وهشيشة

وبنينة زادة عجبت عايلتي فرحتهم بيها الحمدلله على النعمة ربي يدومها عليا وعليكم نتمنى انكم فهمتو الشرح تاعي تحياتي للجميع