شخشوخة المسيلية على طريقة اختي الغالية
#ناس_مسيلة
انا غلطة بيناتهم قاتلي اختي صحيها إعذروني😔😔😔😔
الخطوات
- 1
ترحي البصل وطماطم مع الثوم خشين والجزر ترحيه في الرحيوة (larape) خشينة وتحطي الدجاج يتقلا مع التوابل المذكورة يتقلاو مليح
- 2
بعد ما يتقلاو تمرقي وتلوحي الحمص في الماء بارد وتغلقي عليه مدة 20
- 3
بعد ما جوز 20 دقيقة تفتحي وتشوفي الحمص طاب ولا لالا وتلوحي البطاطا وزوج قرون تاع حار وتغلقي عليها مدة 10 دقائق حتى طيب البطاطا (انا قطعت حبة بصلة متوسطة الحجم مكعبات صغيرة وقطعة دبشة (كزبرة) رقيق يسما اضافت من عندي باه جيك المرقة خاثرة كيما اي مثل علبالنا انو مرقة الدجاج جي خفيفة على تع اللحم)
- 4
وتشمخي العجينة بالماء والملح حتى تتحصلي على عجينة حاكمة روحها والعجين حسب افراد العائلة
- 5
تلوزيها وتخليها ترتاح
- 6
كي ترتاح تبداي طيبي تحبي ديري حبة فوق ختها وتكسلي كيما اي مثل المسمن ولا تكسلي بالوحدة وكي تكسليها ديري شوية زيت باه تسهل الخدمة وطيبي كامل الكمية بنفس الطريقة وتفتيها تحبي كبيرة ولا صغيرة
- 7
وهكذا تكون شخشوختنا واجدة وتسقيها وتحطي عليها من فوق الدجاج والحار وبالهناء
- 8
وصفات مشابهة
-
شخشوخة من يدين امي الغالية شخشوخة من يدين امي الغالية
#وصفات_امي_الغالية#صدقة_جاريةهاذي الوصفة دارتها امي العزيزة ربي يحفظها ويطول في عمرها تلمينا مع بابا وامي وخاوتي ربي يدوم هاذ اللمة علينا وعليكم
-
-
-
-
شخشوخة ظفر من ايادي امي الغالية 😋😋 شخشوخة ظفر من ايادي امي الغالية 😋😋
#الشيف_الذهبي ( كلما كبرت تكتشف ان اهم شيء في الحياة الستر و الصحة و راحة البال و الخروج من الدنيا بسلام و على خير و ان الله لا يحوجنا لأحد فدائما قل الحمد لله على كل حال ... 😍😍😍)
-
-
شخشوخه ضفر على طريقة صديقتي شخشوخه ضفر على طريقة صديقتي
#وصفات_بالاحمر #وصفة_صديقي reset nihal
-
شخشوخة على طريقة أمي الحبيبة 💖 شخشوخة على طريقة أمي الحبيبة 💖
احترفي عمل أروع صحن شخشوخة تجي بنينة وكل حبة وحدها إنشاء الله تعجبكم وتجربوها أحبابي ❤ ❤ ❤
-
-
-
وصفات ننصحك بمشاهدتها
التعليقات (6)