ننصب البرمه تاعي عادي باللحم او الدجاج حسب الموجود في شوي زيت مع البصل والثوم ونقلي مليح ثم نضيف الطماطم المرحيه والملح والتوابل ونقلي مليح مليح ثم نضيف الحمص ونحل الطماطم المصبره والهريسه في شوي ماء ونضيفها ونقلي كلش مع بعض ثم نمرق بماء مغلي ونغلق عليها

من جهه اخرى نفور التليتلي المره الاولى ندهنو بشوي زيت وكي يفور نديرلو شوي من المرق ونعاود نفورو تقدرو ديرو خضر مثل الجريوات والجزر انا ماستعملتهمش وكي يطيب المرق تاعي وخثار الله الله عليه نوضع التليتلي في برمه ونضيفلو المرق مصفي ونخليه يتجمر على ناؤ هاديه ونضيف شوي زبده ونحمر الدجاج تاعي،