بسم الله اللهم صلي وسلم على نبينا محمد اولا وضعت اللحم بعد ما غسلتو فرمت البصل والطماطم والثوم اضفت طماطم المصبرة اضفت كيلو ورطل اولا والتوابل حطيت الكوكوط تتغلى مليح ثم مرقت بماء سخون غلقت الكوكوط ليستوي اللحم

هنا راني صورت تفاصيل من كنا في الكوزينة تفوار الكسكس مع الرفيس تاعنا ومرق الكسكس لما استوى اللحم اضفت الفريك لي كنت غاسلاته من قبل وفي صحن اضفت الطماطم الباقية وزيت غير شوية ورأس الحانوت حليتهم مع بعض واضفتهم الشربة من بعد قطعت القصبر والفلفل الاخضر خليت الفريك طاب وطفيت

هنا قدمنا العشاء تاعنا وهذي الطابلة صراحة كانت لينا مالين الدار كمل العرس باش حطينا لينا نتعشاو الدجاج ما صورتش لأننا الدجاج درناه بالكسكس جاز عرس مشاء الله روووعة زهينا وفرحنا غاية وربي يكثر افراحنا ولعقوبة لولادكم وأحبابكم يارب

وهذي التصديرة جات واش نقلكم زادت في العروسة النص

ربي يفرح خيتي كنزة ويحيبلها سعد لي يريحها يارب

اعطوني رايكم في التصديرة الانصوبل نهديه خص نص ل ام ندى اماني وهذيك حنتي طبعا مع بنت اختي شاهيناز انا لي رسمتها تحياتي خياتي