اول حاجه بنضع المكونات الجافه علي بعض وننخلهم كويس (الدقيق + الكاكاو + بيكنج بودر + بيكنج صودا + رشة الملح)

في بوله تانيه نضع (البيض + السكر + الفانيليا)ونضربهم بالمضرب الكهربائي لمده ١٠ دقائق لحد ما يفتح لونه

وفي وعاء صغير نضع الماء والزيت ونضعهم علي النار لحد ما يغلو

ثم ننزل بخليط الدقيق المنخول بالتدريج علي خليط البيض (مش مره واحده) ونخلطهم

ثم ننزل بالماء المغلي والزيت بالتدريج
وندوب معلقه النسكافيه في معلقه مياه ونتزل بيهم علي الخليط

وبنجيب قالب كيك مقاس ٢٦ او ٢٤ وندهنه من الجوانب زبده والقاع نحط ورقة زبده وننزل بالخليط ونخبط مرتين

تدخل فرن سابق التسخين علي ١٨٠ وبتقعد حوالي ساعه وربع او اقل حسب فرنك

بنقلبها ونشيل ورقة الزبده ونغطيها بفوطه ونتركها تبرد وبعدها نغلفها بسترتش راب

تاني يوم بطلعها واقطعها بالمنشار الكيك لقطعتين وبنكون عملين الجناش ناخد جزء منه نحطه في التلاجه لحد ما يبقي قوامه زي النوتيلا

وبنجيب بورد كيك ونحط معلقه من الجناش في نص البورد علشان يمسك الكيك ونحط اول طبقه ونسقيها سفن اب او من الجناش مدوب في مياه

ونحشي الطبقه بالجناش اللي كان في التلاجه ونحط الطبقه التانيه من الكيك ونغلف الكيك بكريم شانتيه بني شكولاته او موس شكولاته ونجلسها كويس وندخلها التلاجه

بعدها نطلعها وننزل بباقي الجناش نصبه علي الكيك نبدا بالحروف ثم الوسط وندخلها الفريزر تمسك نفسها

بعدين نطلعها نزينها انا عملت روزتات من مربي الحليب وحطيب عين جمل وفزدق وقطعتها مثلتات علمت الاول بالسكينه او المنشار وقطعتها بالسكينه بنزل مره واحده واسحب وبين كل مره والتانيه بغسلها بالمياه الدافيه وبالف هنا