بعدما نغسل الكرشة تاعنا مليح وننزعلها السواد نقطعها ونعملها شكيورات صغارونخيطهم بااخيط من الجوانب ونخلي فتحة من الفوق باش نعمر الحشو

نضع المصارن بعدما نكونو نقيناهم ونفتحوهم من الوسط يغلو ونضيف معاهم الرية تغلي

بعدما يغلو المصارن والرية نصفيهم من الماء تاعهم ونقطعهم قطع صغيرة ونوضعهم في إناء كبير ونوضع فوقهم الارز مع الحمص والبصلة المفرومة والثوم المرحي مع الملح والمعدنوس مقطع رقيق ونضيفلهم ملعقة فلفل اسود راس الحانوت وكركم ونعناع مجفف والبيض ونخلطهم مع بعض كيما الدولمة ونعمرهم ونخيط من الفوق منعمرهمش بزاف حتى الفوق لانه الارز راح ينتفخ

نضع حبة طماطم مسكرفجة وملعقة طماطم مصبرة وملح وفلفل اسود وراس الحانوت والكركم والفلفل العكري في طنجرة ونقليهم ونمرق بماء سخون ونضع حبات العصبان ونخليهم يطيبو على نار هادية حتى ينقص المرق ونعرف بلي طابو الدوارة تطيب والارز ننزعهم ونقدمهم بالمرق للي يحب ونقطعوهم ونقدموهم بالصحة