الفطائر التركية
#كرنفال_الصيف
وصفة تركية سهلة التحضير و خفيفة و توالم فصل الصيف بمكونات بسيطة جدا موجودة في كل بيت ...تابعو معي 😘😘😘😘
الفطائر التركية
#كرنفال_الصيف
وصفة تركية سهلة التحضير و خفيفة و توالم فصل الصيف بمكونات بسيطة جدا موجودة في كل بيت ...تابعو معي 😘😘😘😘
الخطوات
- 1
في اناء نحط الحليب و الماء و الخل و الملح و نخلط جيدا و نبدا نضيف فالفرينة تدريجيا حتى نتحصلو على عجينة طرية نتوقف و نخليها ترتاح 20 دقيقة.
- 2
نحضر الحشو : شكشوكة اضفتلها قطع كاشير و قطع جبن و خلطهم مع بعض و حطيتهم بجيه.
#ملاحظة: اصل حشو الوصفة هو فيونداشي و جبن او دجاج و جبن لكن انا كانت عندي فقط شكشوكة درتها.
- 3
لما ترتاح العجينة نقسمها على 2. نرش الفرينة و نفتح القسم الاول بالحلال على شكل دائرة و تكون رقيقة بزاف نحاول نفتحها قد منقدر لما نفتحها كامل نفرغ عليها نصف كمية الزبدة المذابة و نفوتها عليها كاملة نطليها بالكامل ولزبدة تكون ذايبا و باردة شوي متكونش ساخنة.
- 4
نفتح القسم الثاني من العجينة بنفس الطريقة و نحطها فوق العجينة الاولى و نسوي الاطراف حتى يكونو بنفس الطول و الحجم و نفرغ فوقها ماتبقى من الزبدة الذايبة و نطليها كاملة و نبدا نلف فيها حتى نتحصلو على حربوش او شكل اسطواني.
- 5
لما نلفها كاملة و نحكم اطراف العجينة مع بعض نقطعها الى قطع صغيرة كما هو موضح في الصورة.
- 6
كل قطعة نفتحها بشكل طولي و ايضا بشكل عرضي حتى نتحصل على مستطيل رقيق نحط فيه الحشو في الوسط و نلف العجينة حول الحشو و نغلق عليه كما هو موضح في الصورة.
- 7
نجيب سنيوة مدهونة بالزيت نحط فيها كل القطع بعدما نكملها كلها و نجيب صفار بيضة و نضيفله قطرات خل و قطرات قهوة و ندهن الفطائر من الفوق.
- 8
ندخلهم الفرن نكون شعلتو مسبقا على نار قليلة نوعا ما نخليهم حتى يطيبو تماما و يتحمرة من تحت و من الفوق نخرجهم.
- 9
ملاحظة : لازم تخلوهم يطيبو على مهل باه ميبقاوش معجنين في الوسط. يجو مقرمشين و بنان بزاف ننصحكم تجربوهم.
- 10
ان شاء الله يعجبوكم شهية طيبة 😘😘😘😘😘
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (14)