بالنسبة للأرز: نحط الأرز في الماء لمدة نصف ساعة

في طنجرة ندير مغرفة ك زبدة و 2 ملعقة ك زيت على نار قليلة ندير الشعيرات (بالنسبة للكيل درت 2 كيسان تاع أرز ندير 3/4 كأس شعيرات) و نقليهم حتى يتبدل لون و يولي بني

نصفي الأرز و نضيفو فوق الشعيرات و نخلط نزيد نضيف شوية زبدة و ندير الملح و نمرق بالماء (بالنسبة للماء درت 2 كيسان أرز و4 كيسان ماء) باش يطيب على حبة و نغطي الطنيجرة و نخليه على نار قليلة حتى وين ينشف تماما

الكفتة: نخلط اللحم و البصل و المعدنوس و التوابل و نشكل كريات و نحاول نديرهم على شكل خبيزات طوال و نديرهم في طبق يدخل للفرن ندهنم بالزيت و ندخلهم يطيبو

الصلصة: نحي القشرة الطماطم و نسكرفجها و في طنيجرة ندير الزيت و الثوم نقليهم نضيف الطماطم و ندير توابل ملح+فلفل أسود+فلفل أحمر (عكري) و نمرق

كي يجوز قريب 15 دقيقة نضيف مغرفة ص طماطم مصبرة