اول حاجه ندهن قالب مقاس ٢٦ زبدة طريه كويس ونتركه على جنب

تاني حاجه بنحضر الفواكه المجففه (الكريز الاحمر واخضر مقطع نصين + الفروته الوان + زبيب منقوع ومتصفي)

ملحوظه: الزبيب بنقعه في مياه ساخنه لمده نص ساعة

في بوله ننخل (الدقيق + البيكنج بودر + الملح) ونخلطهم كويس ونتركهم على جنب

في بوله تانيه نضع (الزبدة + السكر البودر) ونضربهم بالمضرب الكهربائي كويس لحد ما يبقى الخليط كريمي وفاتح

ثم ننزل بالزيت ونكمل ضرب

ثم ننزل بالبيض واحدة واحدة تختفي ننزل بالتانيه

- ثم ننزل ب (الفانيليا + الخل + برش الليمون) و نكمل ضرب

ثم ننزل باللبن البودر ونكمل ضرب

ثم ننزل (بالدقيق + الفواكه المجففه) ونقلب مع الدقيق ثم نقلب بالسبتيوله

ثم ننزل باللبن ونقلب بالسبتيوله من تحت لفوق

ثم ننزل بالخليط في القالب ونسويه كويس وعلى الوجه نضع الكريز صحيح مش نقسمه

تدخل فرن سابق التسخين على ١٨٠ درجه لمده ٣٠: ٤٥ دقيقه حسب فرنك ونطفي الفرن ونتركها بالداخل ٢ دقيقتان ثم نقلبها ونتركها تبرد تماما ثم نقطعها وبالف هنا