هنغسل الاجنحه كويس جداً ونشيل منها الاطراف ونقسم الجناح على ٢ ونحطها في حاجه بشوية ماء وحبه خل وبعدين نغسلها ونحط عليها رشه ملح وفلفل

وهنجيب بولة نحط فيها الدقيق والنشا ونقلبهم كويس اوي وننشف الجوانح بمناديل مطبخ ونحطها في الدقيق ونجيب طاسه غويطه او حله ونحط فيها زيت غزير ونسيبه يسخن وننزل بالكميه ونخفف النار نسيبها من ربع ساعة لتلت ساعة وبعدين نعلي النار ونطلعها هتكون خد اللون دا واستوت من جوا

هنجهز الصوص هنحط حله على النار ونحط ربع كوب زبده وعليها الصلصة والكاتشب الحار والعادي والبهارات ونفضل نقلب كل.دا.على النار ونحط ملعقة العسل ونجيب.كوب فيها نص كوب ماء وعليها ملعقة نشا كبيرة ونقلبهم وننزلهم على الخليط.دا ونقلب ونطفي النار

نجيب طاسه واسعه ونحط الخليط والجوانح على النار يتقلبو تقليبتين ونقدمه وبالهنا والشفا ❤