نسبق في الكريمة في كسرونة نضع كل المكونات الكريمة بارد في بارد وخلطات مليح ثم نضعها فوق النار حتى تثقل نطفي النار ونضيف ملعقة زبدة ونخلط ونخليها تبرد

نروح للجينواز نضرب البياض فقط حتى يطلع شوية طبعا بالباتور نبدء نضيف السكر باتدريج ونخلط حتى يطلع كالمورنغ ثم نضيف عليه الصفار ونضيف نكهة الليمون ونخلط بالباتور ثم نضيف الزيت وتضرب ثم نضيف الفريدة والخميرة ونخلط بالملعقة هنا فقط هذه الطريقة ساهلة ومضمونة ونفرغها في المول العجيب يجي شكلها رائع وتطبيقها على 180د 15دالى20د حسب الفور نتاعك

عندما طيب نديموليها ونضعها في صحن التقديم ونملاها في الوسط بالكريمة بعد ماتبرد ونزينها بحبة كيوي والشونتيي في الاطراف

أيضا الشونتيي طلعتها بعلبة ياغورت ذوق الليمون تجي هايلة ونزينها بحبيب الشوكولا وكل واحد والتزيين نتاعو ولكن تضمنت جي روعة ومنعشة وسهلة متدين بزاف الوقت سورتي بطريقة الجنواز هذه ساهلة