في طنجرة بنحط حمص الحب ماء لحد ما يطرى ع الاخر. حوالي ٢٠ دقيقة مفضل اول شي نركبه.

اي نوع خبز لو حتى بايت ، بنقطعة قطع صغيرة وبعد ما الحمص استوى بناخد من ماء الحمص المغلي وبنشرب الخبز.

بناخد معلقتين من الحمص الحب للتزين. وبنخلي باقي ماء الحمص المغلي.

في الخلاط او الافضل بلندر الفواكة : الحمص ، طحينة ، ليمون ، كمون ، ملح، ثوم ، ونص كاسة ماء حمص. المكونات حسب الرغبة وحسب الحاجه بنزيد وبنقلل.

بناخد نص الكمية الحمص مطحون وبنضيفها على الخبز المغمس في ماء الحمص وبنحرك لحد ما كلو ينمزج مع الحمص وبنرص الخبز بتساوي في الصنية. بنضيف فوق باقي كمية الحمص المطحون عن طريق دهن وتغطية طبقة الخبز.

في مقلاة معلقة زيت وبنضيف اللحم لحد ما يستوي وتبهيره ملح فلفل اسود بهار جوزة الطيب... وشو ما بتحبو. بنضيف اللحم فوق الحمص.

بنذوب ٥٠ غرام زبدة و بنحطها فوق الفته كلها بعد ما تجهز. للتزيين الحمص حب بقدونس و صنوبر او لوز محمص.