نرحي بصلة و ثوم مليح ناعم جدا و في طنجرة نحطو شويا زيت و نقليو دجاج مليح من بعد نضيفو بصل و ثوم و توابل طماطم و حمص و نخلوهم يتقلو مليح مليح من بعد نحطو لبطاطا مجمولين و نغلقو و نخلوها طيب مليح

نجيبو برمة بلكسكاس و نديرو لما و نحلو شخشوخة تاعنا بزيت و نرشوها بلما و نحطوها تفور مليح على اكثر زوج مرات تكون واجدة

من بعد تكون لمرقة تاعنا طبابت نصفوها و نضيفولها شخشوخة و نخلوها تتجمر مليح مع اضافة مغرف زبدة

من بعد نحمرو دجاج تاعنا و لبطاطا مع فلفل حار و نقدموها مع لبيض المغلي و شهية طيبة