الرز البخاري بالدجاج

في البداية احضر القدر واحط فيه بمقدار بيالة شاهي و نصف زيت الزيتون و احط عليه الجزر المبشور و احمسه الى ان يذبل الجزر و ياخذ الزيت لون الجزر وبعدها اطلع الجزر و احطه في طاسة خارجية و احتفظ فيه الى النهاية ومن ثم اضيف على الزيت البصل وابدا احمس فيه ومن ثم اضيف النصفين الدجاج بعد ما غسلتهم بالماء والملح و الخل واحمسه و اضيف عليه الفلفل الرومي و البهارات و الكمون و الفلفل و القرفه و الهيل و القرنفل و ابدا احمس وبالاخير اضيف البندورة المفرومة..

و احط عليها الموية المغلية و اغطي القدر و اخليه يطبخ من ١٠ - ١٥ دقيقة

و بعدها املح الدجاج قبل ما انزله و اخليه ٣ دقايق لين يستملح زين وبعدها انزل الدجاج في صينية وعلى الفرن على درجة حرارة ٢٠٠ من فوق لين يتحمر

و اضيف الرز الشعلان المنقوع نصف ساعة في موية في القدر واحركه و من ثم اضيف الجزر والزبيب المغسول والثوم الكامل و الشطة على الرز ، بدون ما نحركهم..!!

واخلي النار عالية لين ما اشوف ان الرز واضح و بس فيه موية نخلي النار هادية ولين يستوي.. وعوافي.. ♥️