صوشون بحشوة لذيذة

بسم الله نبداو بالعجينة نحطو الفرينة والزبدة والملح ندخلو الاطراف الاصابع الزبدة مليح فافرينة نلموها بالماء ونغلفوها بالبلاستيك الغذائي نخلوها تريح ربع ساعة

من جهة اخرى نوجدو الحشو

نمزج كل من الجبن و الطن والمعدنوس حتى يندامجو من جهة اخرى بعد ما تكون ريحت لعجينة نبسطها رقيقة ونطعها بمول دائري انا متوفرش عندي مول ستعملت غطا تاع ابريق الشاي نحطو الحشوة في الوسط ونغلقو الشوصون باحكام ونعاودو نحكمو الاطراف بالفرشيطة نظمنو مينفتحوش ويعطينا شكل جميل نحطوهم في صينية الفرن وندهنوه بصفار البيض وندخلوهم للفرن مشعول ملتحت من بعد نشعلولو الفوق حتى يتحمرو وهنا وصفتنا تكون جاهزة

ملاحظة الحشو اختياري كل وحدة واش تحب