بفرشات نرحي الموز ونزيد عليه الحليب والبيض والسكر وقرصة الملح والفانيلا ونخلطهم جيداً غير بفوي بعدها نزيد كمية الفرينة والخميرة الكميائية ونخلطها جيداً حتى نتحصل على خليط ناعم نجيب مقلاة طيفال المهم متلسقش نحطها على نار متوسطة نخليها تسخن شوية ونبدا نطيب مباشرة نصب الخليط في المقلاة ونخليها 5 دقائق فقط كي تبدأ دير فقعات قليلة نقلبها ونخليها تزيد طيب من الجيهة الاخرى

هنا حضرت صوص شوكولاته في كاسرونة حطيت ملعقة كبيرة زبدة و100غ شوكولاته وعلبة كريم ديسار كراميل وحطيتها فوق نار قليلة جداً وخليتها حتى ذابت الشوكولاتة تماما حطيت البان كيك فوق بعض ودرت في الوسط الشوكولاتة وزينتهم بالجلجلانية نحب ناكلها في الصباح وهكذا تكون وصفتنا لنهار اليوم واجدة فطور صباح هايل وبنين