بنحط ماء بطنجره وعلى نار متوسطه بنزل اللحمة فيها وبنغطيها وبنتركها تغلي اقل شي ساعتين. وبعد ما يصيرلها ساعتين بنفرم راسين بصل على ايدنا وبنعصرهم منيح مع ملح وفلفل اسود.

وبننقع الرز وبمي النقع بنحط نص ملعقة صغيرة عصفر (كركم) لياخد الرز لون اصفر. وبنتركو نص ساعة بعدين بنصفي كتير منيح وبنحط ملعقة سمنه بطنجره وبنضيف الرز وبنقلبو وبنحط عليه ماء وبنغطي ليستوي

ولتحضير اللبن: بنحط اللبن على النار مع التحريك وبنضيف الجميد طبعاً الجميد لازم يكون مطحون ومنقوع قبل.. وبعدين بنطحن الهيل طحن خشن وبنضيفو على اللبن ليعطي طعمه طيبه. وبنضل نحرك لحتى يغلي وبعدين بنضيف ملعقة السمنه وبنضيف مغرفتين من شوربت اللحمة.

وبعد ما تجهز اللحمة بنحطها فوق اللبن مشان تأخذ طعمة اللبن وبنبلش نصب وبنفرم البقدونس وصحه والف عافيه.. طبعاً خبز الشراك اختيار ذوقي يلي بحب يضيفو يشربو من ماء اللحمة وبعدين يحط الرز عليه.. 💛💛