اولا نحطو الخميرة وملعقة كبيرة سكر وملعقة كبيرة فرينة ونصف كوب حليب دافئ نخلطوهم مع بعض ونحطوهم يخمرو ل 10 او 15د

وبعدما يخمرو نزيدلهم باقي المواد البيضة و الياؤورت والسكر وبودرة الحليب والزيت ونخلط ونزيدو نصف كوب الثاني من الحليب الدافئ ونخلط جيدا بالمضرب اليدوي ونزيدو الفرينة حتى نحصل على عجين طري ونعجن جيدا باليد وفي الاخير نضيف الزبدة ونعجن ونتركها تخمر لساعة او اكثر

وبعدما تخمر نقسمها الى كويرات بحجم حبة مندرين نطرحوهم نقطع خيوط بلا مانوصلوها للنهاية مثل القريوش ونهزوها ايضا مثل القريوش ونحطوها عشوائي نغطيلها ونتركها تخمر ل 15 او20د

ثم نحطوها بين صفايتين

ونحطوها داخل ساخن ساخن والنار متوسطة في جهة الصغيرة من الكويزينيار حطوها في علبة حليب الاطفال فارغة او اي علبة بهاذ الشكل ونبقاو حاكمين الصفاية حتى يأخذ البيني شكل الكرة ونتركها حتى تحمر

وبعدما يرتاحو نحشوهم بالنوتيلا