تحضير العجينة: في اناء نخلط الزبدة و السكر + بشر برتقال و رشة ملح جيدا ثم نضيف البيض + الحليب و نخلط و نجمع الخليط بالفرينة "الطحين" + خميرة الحلويات حتى تصبح عجينة طرية "اذا شفتوها لم تجمع ممكن تضيفولها الحليب او ماء" ثم نغطيها و نتركها ترتاح فالثلاجة مدة نصف ساعة... ثم نبسطها بالحلال "الشوبك" و نشكلها في قالب التارت و نسويها على الجوانب ونقص الزوائد نضع في وسطها ورق طبخ و نعمرها بحمص او باقوليات جافة كي تساعدها لتحافظ على شكلها فالفرن و ندخلها الفرن

نحضر الكريمة: في طنجرة صغيرة نضع عصير البرتقال + الماء و الزبدة ونضعها على نار هادئة حتى تغلي...في هذه الاثناء نخلط صفار بيضة + السكر ثم نضيف النشاء ونخلط... ثم نقوم باضافة عصير البرتقال بعدما يغلي و نخلط بسرعة ثم نرجع الكل على النار و نحرك جيدا حتى تصبح كريمة قوامها ثقيل نطفي عليها و نضيف الفانيليا فالاخير و نفرغها مباشرة على التارت وندخلها الثلاجة حتى تتماسك جيدا

نحضر المورانغ: بالمضرب الكهربائي نضرب بياض البيض مع رشة ملح حتى يصبح ثلج نبدا باضافة السكر تدريجيا على 3 دفعات حتى يتضاعف حجم الكريمة نضعها في كيس بلاستيكي و نزين بيها التارت من فوق... نحرقها بالشاليمو او ندخلها الفرن من فوق فقط حتى تتحمر و نزينها و بالبرتقال