بالبداية تقطعي صدور الدجاج و تحطي عليه صلصلة الطماطم و الزبادي و الملح و الفلفل و المسالا و الباربيكا و الزعفران و تخلطيهم مع بعض مزبوط و حطيهم على جنب عشان يتتبل و ممكن تخليه ساعة

تاخذين نص اصبع الزبدة او اقل و تحطينه على نار هادية مع البصل المقطع و تحركينهم الين يصير لون البصل اصفر

بعدها تجهزين الطماطم و الثوم المقطعين و تضيفينهم على البصل

تحركينهم على نار هادية الين يذبل الطماطم و الثوم و تضيفين الكاجو و تحركينه (نسيت اضيف الكاجو) 😂

بعدها تطفين النار و تخليه يبرد شوي و تاخذينه من القدر و تحطينه على الخلاط و تخلطينهم و لا تنسين الملح... حطي شوية ملح اذا شفتي انه قليل و ممكن تزيدين فلفل احمر او اخضر اذا حابة يكون مفلفل

تحطين عليه الخضار المبشورة و تحركينهم الين يذبلون على نار هادية (هذا من عندي و طلع لذيذ)

خلطة الطماطم و الثوم و البصل اللي خلطتيهم بالخلاط... و خلطة الدجاج... تروحين تحطيهم على الخضار اللي بالقدر... و تخلطينهم مع بعض مزبوووط و تغطين عليهم القدر و يستوون على نار هادية

بعد لمن يستوون... تضيفين الكريمة تبع الطبخ عليهم و تحركينهم و اذا ما عندك كريمة طبخ ممكن تحطين قشطة طازجة او القشطة العادية و تحركينهم مع بعض

تقدمينه بصينية مع رز ابيض او خبز و بالعافية عليكم 😍🥰😋😋