في كاس الماء الدافئ نضيفلو الخميرة و السكر و نخلطهم مع بعض و نتركهم على جنب يتفاعلو و من جهة اخرى نخلط الفرينة و الملح ثم نضيفلهم خليط الخميرة بالتدريج و نلم حتى نتحصل على عجينة طرية و تتلاصق قليلا فاليد

(اذا كانت مخصوصة نضيفلها القليل من الماء الدافئ حتى نتحصل على العجينة المرغوب بيها) نعجنها قليلا و نذهنها بالزيت و نغطيها نخليها تخمر نصف ساعة ،بعد ما تخمر نضيفلها ملعقتين كبار زيت و نعجن حتى يتجانس الزيت مع العجين نخليه يرتاح 5 د و نقسم العجين الى كريات ضغيرة و نرمدهم فالفرينة

و نبدا نفتح فالعجين رقيق و نضيفلو الحبن الطري على الاطراف و نغلق عليه (كما في الصور) و نحط العجين فوق صينية تدخل للفرن و نخليه يرتاح10د ثم نضيفلو الحشو (حسب الرغبة) و نذهن الاطراف بالبيض و ندخلهم لفرن مسخن على اقصى درجة حرارة كي يطيب من تحت نشعلهم من فوق يتحمرو و نخرجهم (فالاول راح يكوم يابسييين و لكن بعد دقائق راح تطرا) نقدمها بالصحة و الراحة 😘