نجيب جفنة نحط السميد الملح و السمن و نبسو مليح من بعد نلمو بالماء فيه ماء الزهر نلمو برؤوس الاصابع

من بعد ندير حربوش من العجين و نحلو من الوسط نحطو الغرس و نقفل عليه و نسقم الحربوش و من بعد نقسم مڨروضات كاين لي نقستهم و نص خاليتو عادي

نجيب كاسرون ولا مقلة تقيلة نحط الزيت يغلى نحط الحبات يتقلو على نار قليلة و لي تيحمرو نحبهم و نحطهم طول في لعسل و نخليهم يتعسلو حتى نزيد نطيبو و نحطهم في صحن خير من كسكاس باه يقعد لعسل فيه و بصحة و لهنى