العجينة: نكسر البيض ونزيدو السكر والفاني ورشة الملح اديك نطلعوها حتى نحسو السكر ذاب، ندير الياغورت والكاس تاع جوز الهند ونخلط ونبدا نزيد الزيت والحليب ونفرغ الكاس تاع السميد ونخلط ومن بعد نفرغ لباكي تاع الخميرة ونزيد الكاس الثاني والثالث ونحطوها طيب من التحت ومن بعد من الفوق ونحمروها شوي ونخرجوها

الشربات: كاس ونص سكر و2 كيسان ماء وترونش قارص (ليمون). في كسرونة نحطو السكر والماء والقارص ونحطوها عشرين دقيقة على النار ونطفي ونشرب البسبوسة تاعي وهي سخونة يسمى نكون وجدت الشربات قبل ما نطيب ونحطو يبرد شوي قبل ما نطيب نزين بجوز الهند من الفوق وشهية طيبة 🌹🥰