نضيف مارغرين طرية لي لعجينة و ندخلها مليح فيها حتى نتحصل على عجينة ملساء نخليها تخمر حتى يضاعف حجمها بعد لي يضاعف حجمها نزلها خمور و نقسمها الى 12 قطعة وزنت حبات كل حبة فيها 43 غرام نشكلهم كرات و نحطهم في صينية بيها ورق طهي و نبسطهم بيدي قليلا و نخليهم يرتاحوا 10 د

بعد مرور 10 د ندهنهم ب بيضة مخفوقة مع قليل من قهوة و نزينهم ب سمسم و ندخلهم فرن مسخن من قبل 200 درجة يطيبوا من الاسفل ثم من فوق كي نخرجهم من فرن نغطيهم ب منشفة باه وجه تاعهم يقعد طري و نخليهم يبردوا

بعد لي يبرد خبز برغر نحضر حشو فرمت دجاج في اشوار ثم نضيف عليه ملح و فلفل اسود و بصلة مقطعة مكبات صغار و معدنوس مقطع و زيت و نخلط مليح حشو و نشكله كريات نبسطهم ب بيدي و نقليهم في قليل من زيت يحمارو من كلا وجهين

بعد لي طيب كفتة دجاج نحل خبز ندهنوه ب جبن طري ثم نضع كمية من صلصة جزائرية ثم حبة كفتة دجاج و فوقها جبن شرائح و نغلق نواصل هاك حتى نكمل كامل كمية لي عندي و نقدمهم (حشو اختياري)