نبدأ على بركة الله، نغسل المشماش جيدًا وننزع النوى (العلفة أو العظم)، وزنت قيس 660 غ، ووزنت السكر 300 غ (نصف كمية المشماش).

قطعت المشماش قطع طولية وفرغتها فوق السكر خلطت الكل جيدا وغلقت على الإناء ودخلتو للثلاجة ليلة كاملة باش يطلق الماء ديالو ومرة على مرة نحرك.

نخرج الإناء من الثلاجة نصيب السكر ذاب تماما وطلق الماء، نفرغ الكل في كاسرونة نضيف طرونش ليمون، نحطها فوق النار تكون متوسطة مع التحريك مرة على مرة.

حتى يغلي وهاذيك الشكشوكة (الرغوة) اللي يديرها من فوق لازم نحيوها باش المربى ما يفسدش.

كي يطيب المعجون ويعقد السيرو اللي فيه نطفي عليه، مدة الطهي تقريبا من 20 إلى 25 دقيقة.

نتركه يبرد ويعبأ في برطمان معقم ويُغلق جيدًا ويوضع في الثلاجة لكي لا يفسد.

يجي بزاف بنين😋🍑😋
ملاحظة: ✔استعمالاتو كثيرة ومتعددة يمكن نستهلكوه كطلي للخبز أو في حشو الكيكات كيما نقدرو نضيفوه مع التحليات يمد ذوق رائع.