نبدأ على بركة الله، في إناء حطيت الزبدة مع رشة الملح وعطر مركز الفاني مع السكر الناعم ضربتهم بالباتور جيدا ثم ضفت الزيت مع الخفق المستمر حتى تتجانس كل المكونات.

صفت حبة بيض وخلطت الكل جيدا ثم صفت خمارة الحلويات (ربع ملعقة صغيرة أو رشة خفيفة) مع النشا (المايزينة) وكملت خلطت بالضراب الكهربائي.

حتى تجانست كل المكونات، قسمت العجينة على زوج، جزء ضفت عليه ملعقة كبيرة جوز الهند خلطت مليح.

ولميتها بالفرينة حتى تحصلت على عجينة كيما الصابلي، خليتها بجيه.

والجزء الثاني ضفت عليه قطرات من مركز عطر الكاسيس ولميت بالفرينة (نغربلها بطبيعة الحال) حتى نتحصل على عجينة متماسكة وطرية في نفس الوقت.

شكلت كريات بكلتا العجينتين وزن الكرية لا يتعدى 20 غ.

خيرت مول الوردة (مول سيليكون سهل في الإستعمال) غبرتو بالفرينة وحطيت الكرية في الوسط بسطتها مليح دات شكل المول ونحاول نقرص في الجوانب كما هو مبين في الفيديو باش تلتم الوردة وتتنحى من جوانب المول ويسهل قلبها نزعها من المول كما هو موضح.

بنفس الطريقة كمّلت كل الكمية اللي عندي

سطفت الوردات في صينية مفرشة بورق الزبدة من الأحسن ودخلتها للفرن المسخن مسبقا على درجة حرارة متوسطة

دات معايا حوالي 20 دقيقة في الفرن خرجتها وحطيتها فوق مشبك باش تبرد.

وقدّمتها بألف صحة وهنا 👌🏻🌸👌🏻 تجي هشيشة 👍🏻وبزاف بنينة 😋🌸😋ومام تجي ناقصة حلاوة مع كاس قهوة حليب تجي هاديك هي.