نبدأ على بركة الله، في طنجرة الضغط حطيت شوية زيت يسخن زدت عليه البصل المقطع شرائح رقيقة وقطعة دجاج والشحمة المتبلة (إن وجدت) مع التوابل (الملح، الفلفل الأسود، الكركم، الفلفل الأحمر، سكنجبير والزعفران) مع حبة طماطم متوسطة مقطعة على أربعة وعود قرفة، قلّيت الكل جيدا.

كي تقلّى اللحم جيدا مرقت بالماء غالي (ساخن جدا) ما نديرش بزاف ونغلق على طنجرة الضغط، ونخليه يطيب على درجة حرارة متوسطة. كي يطيب اللحم (مانخليهش يطيب بزاف) نحيه ونحطو في صينية تدخل الفرن ندهنو بالسمن وندخلو للفرن على درجة حرارة متوسطة باش يكمل طيابو ويحمار ويدي لون ذهبي جميل، أما هديك المرقة نضيف عليها البطاطا مغسولة ومنقية ومقطعة قطع متوسطة.

ثم نضيف عليها الجلبان (بازيلاء) المجمدة ونعاود نغلق على الطنجرة ونخليها تصفر حتى طيب (تستوي) كل المكونات وتتجمر المرقة وتعقد على نار متوسطة (ما تديش وقت بزاف في الطياب).

كي طيب الخضرة وقبل ما نطفي عليها نضيف رشـة خفيفة نتاع سكنجبير.
ملاحظة: ✔هاذيك الإضافة الأخيرة نتاع سكنجبير تزيدلها في البنة.

ونخليها تغلي مدة 5 دقائق ونطفي عليها، خليتها شوية تهدأ ويربيتها في صحن كما هو موضح في الصورة.

وقـدّمتها بألف صحـة وهنـــا😋👌🏻😋 بزاف بنية مع المطلوع يا سلام وشهية طيبة للجميع🥰.