نبدأ على بركة الله، نقي ربطة السلق جيدا بالماء والقليل من البيكاربونات نخليها تستقطر مليح ونقطعها كما هو موضح في الفيديو، عمرت الكسكاس وحطيتو يفور مايديش الوقت أقل من 10 دقائق يوجد.

من جهة أخرى نحضر الصلصة، نقيت البصلة وقطعتها قطع صغيرة والثوم رابيتو والطماطم طحنتها، في طاجين الطين حطيت الزيت مع المارغرين وخليتو شوية يسخن.

فرغت البصلة وخليتها تذبال شوية ثم ضفت الثوم مرابي فليتو حتى هو خلطت الكل جيدا ثم ضفت الطماطم المصبرة.

قليتها شوية باش تروحلها القروصية، ثم ضفت عليها الطماطم المرابية وخلطت مليح، ثم ضفت التوابل (الملح حسب الذوق، الفلفل الأسود، الكركم، الفلفلة حمرة، الكمون، تابل الصلصات)، وخلطت الكل جيدا

ثم ضفت الماء يكون دافي، وفي الأخير ضفت الزيتون الأخضر منزوع النواة ومنزوع الملوحة كنت 👈🏻حطيت النصيحة من قبل يمكن تفقد الطريقة من خلال هذا الرابط👇🏻 غطيت على الطاجين وخليتو على نار هادئة.

في هاد الوقت نحضر الكريات، في إناء حطيت مقدار 500غ مرقاز (نقانق) نحيتهم من المصران فسختهم وضفت السلق مع ملعقة صغيرة من المارغرين مع الخبز اليابس مطحون وخلطت الكل جيدا.

شكلت كريات متساوية الحجم رمدتهم في القليل من الفرينة وقليتهم كما هو موضح في الفيديو.

كي قليتهم نحيتهم وخليتهم شوية يهداو وضفتهم للطاجين (كانت الصلصة عقدت شوية).

غلقت على الطاجين وخليتو تقريبا 5 دقائق يتجمر مليح وطفيت عليه.

وها هو ذا واجد صلصة بزاف بنينة 😋مع الزيتون والكريات النقانق وقدمتهم بألف صحة وهنا 👌🏻 وشهية طيبة للجميع 🥰