كسرة رخصيس بالسميد
إفتح في تطبيق كوكبادالخطوات
- 1
نبدا بسم الله ونجيب حفنة واسعة نحط فيها 2كيلات سميد متوسط مع م ك ملح ونضيف عليهم سينوج ونحط نصف م ص خميرة الخبز ثم نشكل حفرة فالوسط ونضيف فيها الزيت
- 2
بنفس الصحن لي استعملته القياس نحط الماء يسخن ونفرغ فيه كيلة كاملة ونبدا نضيف فالماء تدريجيا ونخلط ونلم العجين حتى يتلم جيدا يمكن عجنها باليد او بالعجان انا حطيتيها فالعجان الكهربائي لمدة 10د فالاول ثم خليتها ترتاح مدة ربع ساعة
- 3
عاودت شغلت العجان الكهربائي وعجنتها جيدا
- 4
نطفي العجان ونحط العجينة على سطح العمل وندلكها بالايدي جيدا ثم نقسمها على 2كرات متساوية ونتركهم على جنب
- 5
نرجع نشعل الموقد(الطابونة) ونحط طاجين الطحين يسخن جيدا مخصص للكسرة المطلوغ وكسرة الرخصيس(المعجون) ثم نرجع نحط طرشونة على سطح العمل ونجيب الكرة الاولى ونحلها بالحلال
- 6
نشكلها دائرية الشكل ونستعين بالايدي ثم نثقبها في كلا الجهتين بالشوكة ونحطها فالطاجين
- 7
نخليها حتى يبدأ لونها يتغير كما فالفديو ونقلبها عالجهة الثانية ونخليها تطيب
- 8
نعاود نقلبها عالجهة لي نضجت ونرجعها عالجهة الأخرى حتى تنضج تماما ونحطها فوق الطرشونة بعد ماطابت ونكمل الكرة الثانية بنفس الطريقة
- 9
فالاخير شكل كسرة الرخصيس بالسميد جات تذوب فالفم قدمتها مع شربة فريك
النصائح
فالحقيقة انا متعودة نعمل الكسرة عيني ميزاني ما نستعملش المكيال أبدا لكن لما قررت نحطها كوصفة في كوكباد استعملت الصحن الزجاجي
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (5)