اول شي نحضر الخبز نحط فرينة (طحين او دقيق) الخميرة السكر الزيت والملح ونلمها بماء دافي نخلي العجينة تتلاصق ونحطها تختمر نص ساعة بعدها نشكلها كويرات نحطهم يرتاحو ربع ساعة ونبدا نطيب في طاجين سخون غير تدير فقاعات نقلبها على الوجه الثاني مانخليهمش يحماروونحطهم في طرشون

الحشو اختياري انا حطيت بطاطا مقلية مع سكالوب قليتو مع بصل زيت ملح فلفل أسود وزيدو مايونيز او اي صلصة تحبوها اغلقوهم على شكل مربعات وحطوهم في طاجين سخون واضغطو باي حاجة ثقيلة باش يتشكلو الخطوط اقلبو الحبات ونفس الشي اضغطو

انا درت صلصة الجبن كاس حليب مع وحدة جبن شاف وملعقة نشا ملح فلفل أسود فوق النار حتى عقدث وخليتها بردت مليح