نقشر البطاطا ونغسلها ونقطعها دوائر ونتبل صدر الدجاج برشة من الفلفل اسود ورشة قرفة ورشة زنجبيل

نقلي البطاطا ونرصها أو نستفها في صينية الفرن ثم نضع كمية من الزيت فالمقلاة ونضيف لها البصلة المقطعة رقيقة وفصوص الثوم دوائر ونقليها ونضيف لها الدجاج المتبل ونتركها تتقلى حتى تطيب اي تستوي ونضيف لها الملح اخر شيء حتى يبقى طري ونبرش القرع ونقليه في القليل من الزيت

بعد أن ستفنا أو رصينا البطاطا في الصينية للي نكونو فرشنالها ورق الطهي ودهناه بالزيت نضيفلها خليط الدجاج والقرع وقطع الجبن وحبة الطماطم المقطعة مربعات صغيرة نضرب البيض ونفرغه فوق كل ماوضعنا وتدخله الفرن مدة ربع ساعة حتى يتماسك البيض جيداً

ثم نخرجوه ونتركه يبرد قليلا ونروليوه ونزينوه بسلطة خضرة وزيتون وفجل أو كما تحبو تزينو كل وحدة وطريقتها فالتزيين ومن الاحسن نروليها ونقطعها حتى تبرد شوية

وشهية طيبة