أحلى فول بيتي للسحور

بعد التنقية والغسيل بيتحطوا كلهم على النار ومعاهم ماء كتير على نار عالية

أول ما تغلي بتهدي النار خالص عشان يستوي كويس وميلطعش في القعر

يفضل تولعي عليه في بداية اليوم لانه بيقعد من ٦ لـ ٨ ساعات على النار(في ناس بينقعوه على بيات عشان ياخذ وقت أقل بس مبفضلش النقع لإنه بيبدأ ينبت)

ملحوظة : طول مدة التسوية هتبصي عليه كل ساعتين وتقلبيه عشان لو محتاج ماء بتغليله ماء وتحطيها عليه

أول ما تلاقي الفولة اتهرست في إيدك كده يبقى استوى بتستنية يبرد شوية وتعبيه في علب تلاجة

أهم حاجة تعصري ليمون على وجه العلبه عشان يفضل فاتح ولما تاخدي منه تاخدي من الجنب متشيليش طبقة الليمون

هتلاقيه شرب الماء كلها ده طبيعي لما بتيجي تجهزي طبق بتطلعي من العلبة حسب حاجتك وتزوديلها ماء مغليه في الطبق وبألف هنا 😍😍