نحضر الكيكة نطلعو البيض والسكر والفانيلا ورشة الملح حتى يتضاعف الحجم لثلاثة اضعاف ونزيدو الفرينة (طحين) والخميرة والمايزينة على دفعتين ثم الماء الساخن ونخلط ونحطوها طيب بالفرن.

ونحضرو السيرو فوب النار نعملو السكر والماء وقطعة الليمون لما يغلي 10 دقيقة نطفو عليه ونخلوه يبرد.

نحضرو كريمة الشانتيه نخلطو الغبرة والحليب ونطلعوه بالباتور ونحطوه يبرد في الثلاجة. ثم نحضرو كريمة الزبدة نأخذ الزبدة نضربها مليح بالباتور ونضيف السكر الناعم والفانيلا ونخلط وفي الاخير نضيف الحليب ونخلطها جيداً حتى تطلع ثم نضيف لها نصف كمية كريمة الشانتيه لي كنا حضرناها ونضربها بالخلاط جيداً ونخلوها تبرد في الثلاجة.

لما تبرد الكيكة من الاحسن نصنعوها ليلة من قبل نقسموها نصفين ونسقي الطبقة 1 بالسيرو ونحطو كمية من كريمة الزبدة ونضع فوقها فواكه الخوخ لي كنت قطعته ثم نزيد ااطبقة الثانية من الجينواز ونسقيها ونغلفها جيداً بكريمة الزبدة ونزين الاطراف والوسط بكريمة الشانتيه الباقية ونضع الفواكه كتزيين وندهنها بالجولي المخفف مع الماء

ان شاء الله تجربوها وتعجبكم وعطوني آرائكم تقدرو تديروها لحفلات الاعراس او الخطوبة او النجاح واعياد الميلاد وبنتها روعة