بعد بسم الله الرحمان الرحيم نبدأ:نأخذ الكرمب نحي الاوراق نقطع من الاسفل و نحي للاعلى كما هو موضح في صور نغسلوهم و نقطعو الورقة على زوج و نحو الوسط و نضعهم يفورو

في هده الاثناء نخضر النرق نأخذ طنجرة نضع البصل مرحي،طماطم مرحية،الثوم مرحي،طماطم مصبرة،سكر،الدجاج،الحمص،التوابل و نقليهم مليح ثم نمرق و نخلي المرق يطيب

نحضرو الحشوة نأخذ مقلاة نضع الزيت،البصل نقليهم شوية ثم نزيد اللحم المفروم و المعدنوس و كي يطيب اللحم المفروم نزيد الزيتون مقطع و التوابل نخلط خمس دقائق و نطفي نفرغ الحشوة في إناء و نزيد كمية قليلة من الارز المغلي نخلط و نخليها تبرد بجيه

و بعد لي تفور اوراق الكرنب (الملفوف) نخليها تبرد و نأخذ بالورقة نتبلها بشوية ملح و نحشيها بالقليل من الحشو و الجبن و نروليها على شكل سيقار نرمدها فالبيض ثم لشابلير و نقليهم في الزيت ساخن

و بعد لي طيب المرق و يتجمر نزيد المعدنوس المقطع رقيق و ثلث دقائق و نطفي ثم نقدم المرق مع اوراق الكرنب (الملفوف) المحشية و بالصحة و الراحة