في كأس نحط كمية حليب دافئ و نزيد عليها خميرة خبز و سكر و نخليها تتفاعل مدة 5 د في إناء نحط فرينة مغربلة ثم ملح و نضيف بيض و نضيف خليط حليب و سكر و خميرة و نخلط كلشي بالضراب كهربائي كي تتجانس مكونات نغير رجل ضراب كهربائي نستعمل رجل 2 خاص بالعجين نضيف مارغرين طرية و نبدأ نخلط جيدا الضراب كهربائي لمدة 5د و نضيف فانيليا سائلة و نواصل خلط بنفس رجل (موضح في صورة)

بعد لي تتجانس مكونات و نتحصل على خليط نغطيه نخلوه يخمر حتى يضاعف حجم تاعه بعد لي يخمر نخلطوه و نملأه في كيس حلواني بلاستيك و نجيب لي مول لي بابا نكونوا دهناهم و رشينهم بالفرينة نعمر حتى نصف مول و نغطيهم و نخليهم يخمرو حتى يطلعوا قبل نهاية مول

بعد لي يخمروا ندخلهم فرن 180 د نكونوا سخناه من قبل نشعل من الاسفل كي يحماروا مليح في جوانب نشعلوا من الفوق ليك طيبوهم مليح لأن كي نشربوهم ف شاربات لونهم يتفتح بعد لي يطيبوا نننزهم من لي مول و نخليهم يبردوا فوق شبكة

نجيب كؤوس لي غادي نقدم فيهم حلوة بابا نضع كمية من فوراج توت(تقدروا تعوضوه ب سوبر كرام) ثم كمية من أناناس و موز مقطع ثم كمية من كريمة باتيسري

ثم نحط حبة بابا فوقهم و نمسحا ب لاجولي و نعمل وردة بكريمة شانتي و نزينها بقطعة من الأناناس و موز