نخلط المغرين مع السكر و الزيت جيدا نصيف صفار البيض لافاني حلوة الترك و الكاوكاو مع جوز الهند ثم الميزينة و الخميرة و اخيرا نضيف الفرينة بشوية و نخلط حتى نتحصل على عجينة طرية نشكلها كريات متساوية انا استعملت الميزان باش يجوني بوزن واحد نشكلهم مسياسات أو أساور تحبي تطيبيهم في ليمول تاع الحديد او تاع سيليكون لي ماعندهاش ليمول تقدري تشكليهم اساور و تطيبيهم مباشرة في صينية بدون استعمال ليمول

بعدما يطيبو و ياخذو تحميرة خفيفة جدا نخليهم يبردو ثم ندهنهم كامل سواء بصلصة كراميل توفيا او بمعجون نخلط معاه حلوة ترك و نرمدهم في قطايف محمصين و مفتتين نحطهم في ليكيسات لي تحب تضيف ورقة ذهبية للتزيين