هانبشر البصل ناعم جدا و نعصرو ناخد منو العصير يعني مية البصل هانحطها ف بوله غويطه هانخط عليها برش الطماطم و ننزل بكل البهارات و نقلبها كويس.. نخليها ع جنب و ناخد اللحمه نبدا نفرد اللحمه كويس و ندقها بالمدق نفردها

ننزل باللحمه ف الخليط و نخليها ف التلاجه انا عن نفسي عملتها من بليل و خليتها براحتها و دا الافضل..

قبل القلي بساعه او ساعتين هانعمل الخليط التاني.. هانحط كل مكونات التغطيه ع بعضها ماعدا البقسماط.. الدقيق و النشا و البهارات و نحركهم كويس مع اللبن و شويا ميا و ننزل بيهم ع البوفتيك و نخليهم ع الاقل ساعه ف التلاجه

قبل القلي ع طول نطلعهم من التلاجه و ننزل ع طول ف البقسماط الناعم و نغلفها و ع الزيت السخن ع طول.. اول ما تغير لون نبدا نقلبها ع طول عشان ما يفك منك الكفر و يبقي كرسبي

و قدميه مع الرز البسمتي و بالهنا و الشفا 👌🏻