نحضر البطاطا نغسلها ونقشرها ونحطها في إناء تغلي بعدما تغلي ننزع من الماء تاعها نحتفظ بيه ونرحيها حتى تولي طرية نظيفلها مغرف زبدة ونخلطها حتى تتجانس معها

نحط في إناء اخر كاس فرينة (طحين او دقيق) ملح سكر خميرة بيضة ونظيف ليه البطاطا لي رحيتها ونلم بماء تاع البطاطا لي احتفظت بيه حتى نتحصل على عجينة طرية نخليها ترتاح لمدة نصف ساعة

بعدما تختمر العجينة نقسمها على اثنين ونطرح القسم الاول ونحطه في مول ونحط فوقه الحشو الاختيااري انا درت شوي طماطم وثوم وفلفل ولحم مرحي هذا لي موجود عندي ومن بعد نطرح القسم الثاني ونحطه فوق الحشو حتى تتغطى وندهنها بالبيض فيه شوي خل ونخليها ترتاح لمدة 3 دقائق وتدخلها للفرن من تحت كي تحمر نحل عليها من فوق وبالصحة والشفاء