ناخذ الرز المنقوع قبل بنص ساعه ونحطه بقدر ونصب عليه مويه ونحط عليه ملعقة اكل زيت وبهارات صحيحه وملح ونخليه يطبخ ع نار هاديه لحد ما ينضج.

ناخذ صدور الدجاج المقطعه مربعات ، ونحطها بطاوه مسخنه فيها شوية زيت ونقلب الدجاج ع نار هاديه لحد ما يقرب ينضج.

ناخذ الخضروات المفضله ونقطعم شرايح ونقليهم ، بعدها نرفعهم من القلايه ع مناديل مجففه ونخليهم يبردون لحد ما نجهز الصوص الاحمر.

لتجهيز الصوص الاحمر نحط في قدر عميق بصل وثوم مقطعين قطع كبيره مع 5 ملاعق زيت زيتون ونقلبهم ع نار هاديه لحد ما يذبل البصل والثوم وما نطول نخلي النار اكثر من 3 دقايق لان الزيت زيتون يحترق بس نحركهم ع نار هاديه لحد ما يذبلون بعدين نحط 2حبات طماطم مقطعه كبير ونحركهم مع بعض ونطفي النار.

نجيب محضرة الطعم ونحط فيه الكشنه الي سويناها ونشغلها لحد ما تنفرم معنا الكشنه فرم ناعم ، بعدين نرجعها بالقدر ونشغل عليها النار الهاديه.

ونرش عليها الفلفل الاسود والملح و ملعقه صغيره معجون طماطم مع ملعقه صغيره كاتشب و رشة بهار ببريكا ونقلبها لحد ما تتسبك الصلصله.

بعد ما تتسبك الصلصله نجيب الدجاج ونصبه عليه ونقلبه 5 دقايق وبعدها نصب الخضروات المقليه ونقلبهم لحد ما يتجانسون.

اخيراً نجيب قدر او صينية عميقه ونصب فيها الصلصله الحمراء بالخضار والدجاج وبعدها نرص الرز.

واخيراً في صحن التقديم نقلب الصينيه او القدر ، وتصير المقلوبه معنا جاهزه بس نرش عليها بقدونس او زينوها براحتكم وعليكم بالف عافيه.