نسلق الفروج ومنحتفظ بماء السلق نضع في وعاء كاس لبن مع ملعقة صلصة بندورة مع رشة كركم و ملح و بهارات مندي ومنحط الفروج فيهن شي نص ساعة و منحطهن بصينية مدهونة زيت و منحمرهن بالفرن

منقلب بصلة بزيت راس ثوم و منحط معن فليفلة حدة قطع صغيرة كتير كتير و بعدين منبرش البندورة بتقلبين منيح و بعدين منحط من الماء تبعيت الفروج شي كاسة

وبعدين بتحطي ملعقة دبس بندورة و منتركن لحتى يصيرو متل الصلصة و منحطلن بهارات مندي و هيل ناعم وزنجبيل ناعم و ملح وماجي و البهارات اللي منحبن بس اطيب شي بهارات المندي

الرز لازم يكون ناقعينو نص ساعة منحطو فوق الصلصة و كل كاسة رز بسمتي بدا تقريباً كاستين ماء من تبعيت الفروج و اذا ما في منحط ماء عادية

ومنحط فيا زيت لنص السلفانة تقريباً و منشغل فحمتين ليشغلو منيح منحطن بالزيت ومنغطي الطنجرة كتير كويس على بين ما تأخذ طعمة الفحم وصحة وهنا.. 🌸