منشيل راس الباذنجان كلو ومنغلي ماء بطنجره كبيرة منحط باذنجان اد ما بتساع تأريبن ١٠دقايق مندوس إذا ستوت شوي ما كتير منشيلن منحطن دغري بلماي ومندل نغير الماء لحتى يبردو

منرجع منحط بطنجرة زوم جديد وهيك لحتى يخلصو بس يبردو منيح منعمل بسكين بنص البتنجاني فسخ وبس نخلصن تفسيخ منبلش بلملح

كل بتنجاني منحط بألب الفسخ ملح ومن بره شوي لحتى يخلصو كلن منحط بشوالات تبع طحين ومنتألن بخفان أو شي تقيل ومندل نقلبن صبح ومسا لمدة ٣تيام لتصفي الماء منيح

منفرم الحر ناعم ومنصفي من الماء منيح منيح ومنعمل الفستق كمان بمطحني ناعم بس ماكتير منخلط الحر ولفستق مع بعض منحطلن كمشت ملح وكباية زيت كبيرة نباتي ومنبلش نحشي الباذنجان بلفسخ يلي عملنا ومنحط بلأطراميظات ليخلصو منحط عوج البتنجانات بلأطراميظ كيس نيلن ومنطب الأطرميظ علأفا لتاني يوم ميشان إذا في ماء بألبن يصفي ميشان ما يحمضو ومنحط تحت غمتن بشوي زيت لأن بدن يفور الزيت وبس يرجع ينقص الزيت منزيد اسبوع مناكل منن صحتين وهنا ملاحظه بدكن يدل عينكن علين كل ما بنقص الزيت منزيد