في طنجرة نحطوا السكر والماء ولغلوكوز وعصرة القارص ونحطوهم على نار متوسطة ونحركوا حتى يذوب السكر ولغلوكوز ونخلوها على نار حتى توصل درجة حرارة 170والي معنداش المحرار يحط شوي ماء بارد في صحن ويحط قطرات من العسل في الماء يشوف كان تحصل على كرة متماسكة نقدروا نكوروها بيدينا نعرفوا راهي العملية كملت كان شفتوا القطرات ذابت في الماء زيدوا نستنوها شوي حتى تتكور معانا

قبل ما نكملوا طياب العسل في صحن عميق نحطوا بياض البيض يكون بدرجة حرارة الغرفة وميكون فيه حتى قطرة صفار والصحن يكون نقي مليح باه يطلعلنا البياض نخفقوا البيض معاه رشة ملح بالباتور ولا بالعجانة على سرعة متوسطة حتى يولي رغوة بيضاء

ويضاعف حجمه وبعد ما نغلقوا على العسل مباشرة وهو سخون نقرغوه على البيض على شكل خيط رقيق مع الخلط المستمر نلاحظوا تضاعف حجم الخليط نخلطوا مليح حتى يثقال القوام

ونغلقوا النار نزيدوا المكسرات ونخلطوا حتى يتجانسوا نفرغوا الخليط في بابي فيلم مدهون بالزيت ونعدلوها على الحجم الى حابينه وخلوها ليله كامله في ثلاجة ومن غدوة نقطعوها مربعات وصحة والعافية

المرحله الاخيزة وصعيبة نحطوا الكريمة في حمام مائي لازم الماء ميمسش الصحن طيب على البخار ونبقوا نحركوا منتوقفوش لمدة ساعة واكثر حتى نلاحظوا الكريمة ثقالت وحجمها قل بعد ساعة من التحريك المستمر ولا ساعة وعشرين دقيقة نتوقفوا عن التحريك