نضع البرغل الناعم في وعاء مع كمية من الماء نتركه ساعة منقوع

بعد ان ننقع البرغل منعصرو منيح البرغل حتى مايضل ماء ومنحطو بزبدية مع ربع كمية اللحمة المفرومة منعجنهم حتى يتماسكو مع بعض مع كاسة طحين صغيرة منعجنهم جيداً حتى تتجانس مع بعضها

للحشوة منجيب البصل منقطهن قطع صغيرة ومنقليهم بالسمنة ومنضيف عليهم باقي اللحمة المفرومة مع رشة من البهار والملح والفلفل....ومنحط معهن الجوز المقطع. منقليهم حتى تستوي اللحمة...

طريقة الحشي: مناخد عجينة البرغل ومنقسمها الى دوائر متوسطة الحجم لتخلص الكمية

مناخد قطعة ومنعملها بيضوية وفاضية من جوا كأنها محفورة. مناخد شوي من الحشوة ومنحطها بقلبها ومنسكرها ليصير شكل بيضوي بس منكون مجهزين زبدية صغيرة من الماء والنشا منربطب ايدينا منها ومنلف البرعجينة حتى مايشقق البرغل اثناء التحضير

منعمل نفس الطريقة على كامل القطع

منجهز مقلاة فيها زيت نباتي على النار ومنقوم بقلي الكمية يلي عنا ويكون الزيت يغمرهم لحتى تتحمر من برا الكباية ومنحط طبق على وجهو ورق لتنشيف الزيت منصف الكبة المقلية وبعدين منقدمهم... وصحة وعافية