نضع الرز على الزيت والثوم ونقلبه قليلا ثم نضع ماء سلق الدجاج لكل كاسة رز كاستين ماء مع بهارات المندي وملح ورشة كمون لحتى يستوي الرز

الجزر والبندورة قبل الرز عالزيت وبس يستوو منحط الرز

سلق الدجاج منسلقن شوي بعد مانغسلن منيح وننضفن ومنكب الماء ومنرجع منسلقن مرة ثاني ومنحط البهارات المكتوبة فوق مع السلق لحتى يستوي

تتبيلة الدجاج: لبن، دبس بندورة، كاتشب اذا موجود، بهارات دجاج، ملح، ثوم، خل

منحط التتبلية على الدجاج ومنحطن بالفرن لحتى يتحمرو

اخر شي منحط الملونات على الرز عقسم من الرز مو كلن

منفرغن شوي من النص ومنحط صحن صغير ومنحط فحمة ومنحط عليها شوية زيت ومنغطي الطنجرة لحتى الرز ياخذ طعمة الفحم

والدجاج نفس الشي اذا حابين يكون الو طعمة الفحم بتحطو فحمة بعد مايطلعو من الفرن وبتغطوهن لياخذو الطعمة

واخر شي بتحطوهن بصحن كبير او صينية واسعا وبتحطو الدجاج عليهن وبتزينوهن متل مابتحبو

وملاحظة صغيرة اذا كان ملون الطعام بودرة مو سائل لازم تنقعو الرز فيه ان ننقع مع الماء واذا سائل بتحطو منو اخر شي على الرز وصحتين 😋😋