أولا : نفتح قطايف و من بعد ندير عليهم فلفل أسود و ملح و نخلط مليح و من بعد نزيد عليهم الزيت و ندخله مليح فيهم ونخليهم في جيها و نغطيهم

ثانيا: نطيب لحم مفروم مع حبة بصل و قليل من فلفل أسود و ملح و سكنجبير (زنجبيل) و من بعد نحطه في إناء حتى يبرد شوية و من ثم ندير في مقلاة قليل من زبدة و نخليها دوب و نحط فوقها فطر و2 سنات ثوم و قليهم مليح و نزيد هم على اللحم المفروم و من بعد نزيد عليهم تونة لي نصفوها من زيت و فرماج (جبنة) مثلثاث و فرماج (جبنة) غرويار ونخلط الكل مع بعض

ثالثا: نأخد كمية من قطايف و نضعها على اليد و نحلها ثم نأخد ملعقة كبيرة من الحشو و نضعه في وسطها و نغلقها و نشكلها شكل كرة و طبعاً نعاون روحي بالفنجان باش تأخد شكل جميل و نكمل جميع الكمية بنفس الشكل و ندخلها الفرن طيب حتى تتحمر وتقدم دافئة وشهية طيبة صدقوني تجي روعة أنا درتها للضيوف مكانش لي معجبتوش 😘😋😘