نقي الخرشف جيداً ونحاول نقطعو متساوي ونغليه حتى يدخلوا الطياب كي يدخلوا الطياب نحيه ونحكم كل 2متساويين ونحشيهم بالكفتة (فيها بصلة صغيرة مقطعة رقيقة ملح فلفل أسود بيضة شوية شابلير دبشة (كزبرة) ومعدنوس مقطعين رقيق) ونحكمهم بخيط الطبخ من جهتين

في الوقت لي كان الخرشف يغلي اتصلي مرقة حمرا بحبة بصلة قليها جيداً وضيفيلها قطع اللحم والطماطم والتوابل وضيفيلها الحمص وامرقي ماتكثريش الماء وخليها الطيب

لما تقارب الطيب المرقة نحط فيها الخرشف لي حشيتو بالكفتة ونخليه يكمل يطيب (يستوي)مع المرقة ولما يطيب (يستوي)تحبي تخليه هكذاك نحيلو غير الخيوط وإذا حبيتي تقليه ديريه في البيض ومبعد في شابلير واقليه ومبعد نحي الخيوط وقدميه كما هو موضح في الصورة