باسم الله نبداو نديرو لكل زوج كيلات نديرو قرصة يعني ربع كيلات يخرجولنا زوج قرص مهم دقيق نزيدولو سكر ومبشور ليمون و قرصة ملح ومن بعد نبسوه بنفس كيلة انا درت مارغارين لابال ونص كيلة زيت

نبسوهم مليح نضيف بيضة ومن بعد نضيف نصف كاس ماء الزهر و نزيدو غير بالشوي حليب حتى تتلملنا ونخلوها ترتاح

بالنسبة للغرس انا نفورو و نرحيه في رحاية تاع بكري اليدوية ومن بعد نديرلو شوي زيت ونعجن و شوي جلجلان (سمسم) وحليب حتى ترجع طرية

نحلو او عجينة فوق نيلو و لغرس تاني ونحطو فوق بعضاهم ونزيدو وجه الثالث و نقطعها انا استعملت مسطرة😂😂😂مهم خرجو قد بعضاهم

نسقمها من لحواشي مليح باه تتسقم

❤انا نحدد قبل لنقطع حبات باه يجيوني قدقد

💖