باسم الله و الصلاة على رسول الله في جفنة او قصعة نديرو 4 كيلات دقيق انا كيلت بالكاس وو نضيف قرصة ملح و نضيف نصف كاس مارغارين وباقي زيت

ونبسسهم مليح ونبدا نضيف غير بالشوي ماء ومنعجنوهاش غير بصباعنا ونجربو نجمعو شوية هنا نحبسو ومن ثم نحطوها في بلاطو ونرصوها مليح ونسويلها سطح وندخلوها في فرن مسخن مسبقا حتى تاخذ شكل ذهبي وكل واحد واش يحب لون

كي تاخذ لون ذهبي نرحيوها في روبو من بعد نحطوها في قصعة و نرشوها بالحليب حتى تشوفيها تشمخت كامل خليها تنشف وفوريها الفورة الاولى كي تفور نرشوها بماء الزهر قسنطنيات يديرو ماء ورد مقطر ماء نجربو ونخليوها تتنشف شوي نديو 2 ملاعق كبيرة سكر

ونحطوها تفور انا فورتو 3 مرات مرة ثالثة ثاني بماء الورد في الاخير نذوبو مارغارين مع عسل و شوية ماء زهر نديروها في الاخير وهنا انا زدت سكر كلاصي جاني شوي ماشي حلو وتزين اختياري يفضل يزين بالجوز واللوز انا متوفر غير كاوكاو (فول سوداني) مرحي وشهية طيبة مهم تذوقتو😂