كيكه الخلاط بالشوكولاته ❤
إفتح في تطبيق كوكبادالخطوات
- 1
اولا هنجيب الخلاط و نضيف البيض و السكر و الزيت واللبن و الفانيلا و نضربهم كويس جداً ٥ او 10 دقائق كده لغايه لما تضرب كويس شايفين الهوا كده حلو اوي
- 2
بعد كده هنضيف 3 ملاعق الكاكاو الخام و هنضربهم تاني و بعدين نجيب كوب و نضيف من الخليط السايل كوب و الباقي في بوله و نشيل الكوبايه دي الى هتبقي صوص الكيكه
- 3
بعد كده هنجيب بوله نحط كميه الصوص او الخليط السايل المتبقيه و الدقيق نضيف عليه كيس بيكنج بودرة و نضيف الدقيق حبه حبه و نقلب في اتجاه واحد عشان الهوا ميخرجش
- 4
طبعاً كميه السايل معانا قليله في هنضيف على الخليط ده نص كوب لبن كمان ولو محتاج معاكي ضيفي لغايه لما القوام يوصل زي مانتي عايزه
- 5
بعد كده في صينيه مدهونه سمنه و مرشوشه دقيق و ممكن حبه كاكاو عشان الكيكه من تحت ماتخدش الدقيق و يبقى شكلها مش لطيف و نصب الكيكه و الفرن طبعاً سخن على درجه حراره 180 الكيكه طبعاً مبيتفتحش عليها في الفرن الا بعد 25 دقيقه افتحي و اعملي تست لو تمام خلاص خرجيها
- 6
اول ماتخرج من الفرن و هي ساخنه انزلي عليها بكوبايه الصوص الى كنا سايبنها على جمب و دخليها الفرن تاني طبعاً الفرن مش شغال بس لسه في سخونيه دخليها لغايه لما تمتص الصوص و خرجيها و قطعيها و ممكن تزينيها بجوز هند يكسر اللون او تقدميها كده و الف هنا ❤
الكوكسناب
Keywords
وصفات مشابهة
وصفات ننصحك بمشاهدتها
التعليقات