طعام بالفران ولحم البعير
#سفاري_الجنوب كسكس بمرق لحم الإبل و أوراق اللفت
إفتح في تطبيق كوكبادالخطوات
- 1
نبدو بسم الله نحط في القصعة الطعام والملح والزيت نحركو ونضيف الماء الدافي حتى اغطي سطح الطعام ونخليه يتشرب مليح ويجف لمدة نصف ساعة تقريبا باه نضمن مايتعجنش
- 2
نغسلو اوراق اللفت(نسموه الفران) بالماء و نقطعهوم رقيق رقيق ونحطو في كسكاس ونعاود نغسلو بالماء و نخليه يقطر
- 3
نقلي اللحم والشحم في قليل من الزيت و نضيف البصل المقطع مكعبات صغيييرة ونضيف الجومبو والتوابل و الفلفل الحار الاخضر ونبقا نقلي ملييح ونضيف الفران ونبقا نقلي و في الاول تبان الكمية تاعو كبيرة لكنو في النهاية يذبال و يصبح كمية قليلة جاي كيما اي مثل السلق ونبقا نضيف الفران على دفعات ادا كان القدر تاعي صغير وغير يذبال نضيف كوب واحد ماء سخون ونذوب فيه ثلاث ملاعق كبيرة طماطم المصبرة ونغلق القدر عليه لما يغلي نقصو عليه النار
- 4
مدة الطهي على حسب نوعيةلحم الابل ادا كان صغير او كبير ولتسريع عملية طهي اللحم نضع مع اللحم ثلاث حباة نوى التمر بالتجريب
- 5
نفور الطعام المرة الأولى لمدة ١٥دقيقة ثم نقلبو في قصعة و نبلو (بكوبين ماء في كيلو طعام) مانحركوش مانحركوش حتى بتشرب كامل كمية الماء ونفتحو بيديا ونرجعو يفور وفي التفوار المرة الثالثة ندهنو بملعقتين كبار زبدة او دهان عربي و رشة كمون و يكون جاهز بالصحة والعافية
- 6
هاد الأكلة معروفة بيها اهل الجنوب عين صالح تمنراست و ادرار نتناولوها دائما لذيذة جداً ومغذية نقدموها في القصعة وكامل العائلة تاكل مع بعض
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات